Денеска (02.07.2024) во Министерството за внатрешни работи директорот на Бирото за јавна безбедност Александар Јанев, оствари работна средба со директорката на Републички совет за безбедност на сообраќајот на патиштата, г-ѓа Гордана Кожуваровска и секретарот Тони Јакимовски. На средбата беше разговарано за заедничка соработка и реализација на кампањи со цел зголемување на безбедноста на сообраќајот. Акцент беше ставен на летниот период кој следи со цел реализација на заеднички превентивни активности насочени кон возачите и другите учесници во сообраќајот особено малолетните лица. МВР и РСПСП се на заеднички став дека со превентивно делување се подигнува нивото на сообраќајната култура а со тоа се намалува и бројот на сообраќајни незгоди и настрадани лица.
Од страна на директорот Јанев, беше потенцирано дека безбедноста на сообраќајот е приоритет на Министерството за внатрешни работи.
На средбата исто така директорот изрази надеж дека ќе се интензивира соработка на Министерството за внатрешни работи со Републички совет за безбедност на сообраќајот на патиштата и дека со заеднички превентивни и репресивни мерки може да се придонесе до намалување на бројот на настрадани лица во сообраќајни незгоди.
