РСБСП во рамки на кампањата „Да ги заштитиме децата во сообраќајот“ во соработка со Министерството за внатрешни работи и Општина Кисела Вода во Домот на културата „Билјана Беличанец“ реализираше интерактивна театарска претстава за деца „Застани, погледни па на пешачки премини“.
Преку забавен и едукативен пристап, децата имаа можност да се запознаат со основните правила за безбедно однесување во сообраќајот, безбедниот пат од и до училиште, како и со значењето на внимателноста и одговорноста во улога на пешаци, велосипедисти и идни возачи.
На настанот присуствуваа учениците од првите одделенија на основните училишта Кирил Пејчиновиќ и Круме Кепески од општината Кисела Вода.
На настанот приуствуваа претседателот и претставници на РСБСП, министерот за внатрешни работи Панче Тошковски, директорот на Бирото за јавна безбедност Александар Јанев и градоначалничката на Општина Кисела Вода Бети Стаменкоска.
Настанот е дел од континуираните активности на РСБСП насочени кон подигнување на свеста за сообраќајната безбедност кај децата и младите, како една од најранливите категории учесници во сообраќајот.
