Вие сте тука

Правила и прописи во сообраќајот кои треба да ги знаат велосипедистите

Европската недела на мобилност се реализира секоја година во периодот од 16 до 22 Септември и има за цел промоција на алтернативни форми на мобилност, со посебен акцен на промоција на велосипедизмот како одржлива форма на мобилност.  Зголемување на употребата на велосипедот во сообраќајот во основа значи и потреба за унапредување на  безбедноста на велосипедистите во сообраќајот.  Токму затоа, РСБСП со потсетување на најважните законски прописи кои треба да ги знаат и да ги почитуваат велосипедистите секогаш кога учествуваат во сообраќајот:

            • Велосипед на пат може да управува лице кое наполнило десет години.

            • Во зона на смирен сообраќај,  велосипед може да управува лице помало од  десет години  само ако е во придружба на лице постаро од 16 години.

           • Возачот на велосипед може да превезува други лица само ако на велосипедот постојат   посебни седишта.      

           •  Деца помали  од 14 години не смеат на велосипед да превезуваат други лица.

           • По автопат, експресен пат и на пат резервиран за сообраќај на моторни возила, не смеат да се движат  велосипеди.

           • Возачот и лицата кои се превезуваат со велосипед ноќе и во услови на намалена видливост треба да носат рефлектирачки елек за време на возењето на патот.

           • На велосипедот задолжително треба да има светло во бела боја на предната страна, како и катадиоптeр со црвена боја или рефлектирачка лента на задната страна и по еден                  катадиоптер со жолта или портокалова боја на секоја страна.

           • Возачот на велосипед е должен да управува со возилото на начин на кој не се намалува стабилноста на возилото и не смее да ги симнува рацете од управувачот, и не смее да се                придржува за друго возило.

           • Возач на велосипед, за времето додека управува со велосипедот  не смее да води животни.

            • На велосипедски патеки уредени и обележани за сообраќај на велосипеди  во двете насоки, велосипедистите  се движат по десната страна во правецот на движењето.

            • Ако на патот постои посебно уредена велосипедска патека, возачот на велосипед се движи по десната велосипедска патека во однос на правецот на движењето на сообраќајот.

            • 25 km/h е ограничена брзината за велосипеди кога се движат по велосипедска патека или       лента.

           • Возачот на велосипед е должен да се движи што поблиску до десниот раб на коловозот, а ако постои велосипедска патека - по велосипедската патека, односно лента.

           • Ако двајца или повеќе возачи на велосипед се движат во група  должни се да се движат еден позади  друг.

РСБСП со апел: „Секоја година десетина велосипедисти го губат животот во сообраќајни незгоди. Биди одговорен велосипедист, редовно  почитувај ги сообраќајните правила и прописи! Од тебе зависи! “  

# ВОЗИ ВЕЛОСИПЕД!    # БИДИОДГОВОРЕНВЕЛОСИПЕДИСТ!

  #ЕВРОПСКА НЕДЕЛА НА МОБИЛНОСТ2020!

Цели групи

  • Автомобили
  • Велосипедисти
  • Деца во сообраќајот
  • Млади
  • Моторциклисти
  • Пешаци

Ваши предлози и коментари

Преку овој формулар можете да изнесувате корисни идеи, предлози и проекти од сите сфери во безедноста на сообраќајот.

Контакт формата на веб страницата служи исклучиво за поднесување електронски пораки и контакт со Републичкиот совет за безбедност на сообраќајот на патиштата. Податоците испратени преку неа, како име и презиме, e-mail, телефон за контакт и содржина на пораката служат исклучиво за контакт со испраќачот на пораката и нема да бидат споделени со трети лица.

Компании кои се грижат за безбедноста во сообраќајот