Во моментов се подготвува кампања посветена на децата бидејќи тие најлесно и најбрзо учат да стекнуваат навики, а воедно ќе се отвори и прашањето за тоа каков пример им даваме на децата во сообраќајот, на што ги учиме и кон што ги наведуваме, велат од РСБСП. Познатата изрека „човек се учи додека е дете“ е онаа според која се раководат и членовите на Советот. Тоа што тогаш ќе го научи човекот, ќе го памети и ќе го применува целиот живот. Затоа, како што потенцира Спасова, во своите активности тие многу често фокусот го ставаат токму на децата и младите бидејќи нивната сегашна едукација, стекната култура и менталитет се основа за побезбеден сообраќај во иднина.
Во моментов од Советот подготвуваат кампања за децата, чија цел е нивно оспособување за препознавање на ризикот и опасностите во сообраќајот. Со оваа кампања треба да се издигне јавната свест и кај возрасните за тоа колку е важна потребата од еден посериозен и посоодветен пристап кон безбедноста на децата.
„Вози внимателно! Има некој што те сака“ е најмоќната порака која деновиве се шири и допира до голем број возачи низ земјава. Таа е отпечатена на освежувачи за автомобили и постојано им боде во очи на оние кои ја имаат закачено на ретровизорот.
Ова е само една од пораките што во изминатиот период ги печатеше Републичкиот совет за безбедност во сообраќајот на патиштата (РСБСП)-како дел од една од низата кампањи што се спроведуваат овој период. Како што објавија од РСБСП, оваа порака за безбедно возење ја постигнала и најголемата популарност на социјалните мрежи, бидејќи фотографијата со овој освежувач има голема бројка на споделувања на социјалните мрежи.
Целиот текст можете да го прочитате на следниот линк http://www.novamakedonija.com.mk/NewsDetal.asp?vest=9191511337&id=12&prilog=0&setIzdanie=23569