Во периодот од 23 до 26 април 2025 година, во Врњачка Бања, Република Србија се одржа јубилејна 20–та меѓународна конференција на тема: „Безбедност на сообраќајот во локалната заедница“. Конференцијата беше организирана од страна на Сообраќаен факултет – Белград и на истата присуствуваа голем број на професори и други истакнати стручни лица од областа на безбедноста во сообраќајот. Покрај тоа, на конференцијата учествуваа и претставници на Агенцијата за безбедност на сообраќајот на Република Србија, претставници на Агенцијата за безбедност на сообраќајот на Република Српска, претсавници од Министерството за внатрешни работи на Република Србија и други.
На конференцијата свое воведно обраќање имаше претседателот на РСБСП м-р Горан Ангеловски кој ги поздрави организаторите и сите учесници на 20-та меѓународна конференција при што ги потенцираше искуствата од досегашните конференции како и искуствата од досегашната соработка со Агенцијата за безбедност на сообраќајот на Република Србија и Сообраќајниот факултет Белград, притоа ги истакна потребите за поголема соработка помеѓу сите надлежни субјекти во земјите од регионот, со цел побезбеден сообраќај и помалку жртви на патиштата.
Целта на конференцијата беше унапредување на безбедноста на сообраќајот на патиштата преку реализација на политики и мерки на централно и локално ниво.
На конференцијата активно со свој научен труд учествуваа претседателот и претставници на Републичкиот совет за безбедност на сообраќајот на патиштата.
Во рамките на конференцијата беа реализирани голем број на стручни предавања, презентации, рабортни средби во работни групи, панел дискусии за унапредување на безбедноста на сообраќајот, итн.
Сите реализирани активности имаа за цел размена на искуство, знаење и добра пракса за унапредување на безбедноста на сообраќајот на патиштата.
