По повод одбележувањето на Меѓународниот ден на културата во сообраќајот – 11 Мај, претседателот на РСБСП и претставници од Советот беа дел од настан на Техничкиот факултет-Битола, каде беше организирана панел дискусија и презентација на резултати од направено истражување кои се однесуваат на начинот на користење на електричните тротинети и употребата на заштитна опрема во урбаните средини.
Во рамки на панел-дискусијата што следеше по презентацијата, учесниците се согласија дека е неопходно иницирање на законски измени кои ќе придонесат за појасно регулирање на оваа област, зголемување на безбедноста во сообраќајот и унапредување на сообраќајната култура.
На настанот учествуваа и претставници од Секторот за внатрешни работи Битола, Отсек за Превенција и претставници од ПС за Безбедност на патниот сообраќај.
По завршувањето на дискусијата, претставници од РСБСП, претседателот м-р Горан Ангеловски заедно со професорите и учениците од студентската сообраќајна единица при Техничкиот факултет Битола, долж Широк Сокак реализираа превентивно-едукативна активност насочена кон возачите на електрични тротинети и велосипедистите. Во рамки на активноста беа споделени едукативни материјали и совети за безбедно учество во сообраќајот, со посебен акцент на користењето на заштитна опрема и почитувањето на сообраќајните правила и прописи.
Активности за одбележување на овој ден беа спроведени и во другите градови ширум нашата држава.