Дождот и влажниот коловоз честопати можат да бидат предизвикувачи на сообраќајни незгоди. Причината е намаленото триење на гумите со коловозната површина односно лизгавоста на коловозот. Затоа РСБСП апелира до возачите:
-
Почитувајте ги сообраќајните правила и прописи, возете со зголемено внимание и не бидете нестрпливи затоа што сепак вие не сте директно изложени на дождот;
-
Почитувајте ги знаците за ограничување на брзината на возење надвор од населено место, но особено во населено место, посебно во близина на училиште, градинка, болница, односно во близина на места со зголемена фрекфенција на пешаци;
-
Бидете предвидливи во сообраќајот и избегнувајте нагло кочење и нагло свртување на управувачот;
-
Држете поголемо и безбедно растојание помеѓу вашето возило и возилото пред вас, особено ако се движите во колона;
- Секогаш имајте го во предвид фактот дека коловозите се лизгави особено во делови каде што има паднати лисја, обично на самиот раб на коловозот;
-
За време на дожд секогаш користете соборени светла и на тој начин нема да го попречите видното поле и безбедноста на останатите учесници во сообраќајот;
-
Секогаш користете сигурносен појас и вие и вашите патници;
-
Кога се приближувате до пешачки премини намалете ја вашата брзина на движење и движете се со зголемена претпазливост;
-
Посебно внимавајте на пешаците кои се движат со чадор, затоа што чадорите го намалуваат нивното видно поле;
-
Возете внимателно на места каде што коловозот собира вода, така што нема да ги изводените пешаците кои се движат по тротоар;
- Особено внимавајте на локалните патишта, каде што на коловозот често може да се наиде на нанесена земја од страна на околните земјоделски површини;
Исто така, РСБСП апелира до пешаците:
-
Да го преминуваат коловозот само на места означени со пешачки премин;
-
Да ја почитуваат вертикалната и хоризонтална сообраќајна сигнализација;
- Во текот на ноќта и во услови на намалена видливост да носат посветли чевли и облека, по можност со флуоресцентни и рефлектирачки детали. Употребата на флуоросцентно елече е најдобар начин да бидете забележани од останатите учесници во сообраќајот во ноќни услови и во услови на намалена видливост;