Денес со почеток во 12 часот се одржа 4та седница на Републичкиот совет за безбедност на сообраќајот на патиштата. На седницата беа разгледани 16 точки на дневен ред од кои како произлегоа повеќе заклучоци и одлуки.
Како позначајни ги издвојуваме yсвојувањето на програмата за реализација на кампањата за заштита на децата во сообраќајот, oдлука за реализација на кампања за промоција на алтернативни облици на сообраќајот, насловена како “Европска недела на мобилност 2015”, oдлука за одбележување на светскиот ден на сеќавање на жртви од сообраќајни незгоди и одлука за опремување на сообраќајни кабинети за потребите на оснoвните училишта и набавка и печатење на табли со сообраќајни знаци.
Исто така усвоен е акционен план за посета на ОСБП и претставници на локалната заедница, со цел унaпредување на сообраќајно превентивното дејствување на локално ниво.
Покрај тоа донесени се и одлука за реализација на проект за утрвдување на можности и начини за поголема застапеност на сообраќајното обрразование во редовниот образовен процес, проект за подигнување на опшествена одговорност кај компаниите и нивно активно вклучување во активностите за подобрување на безбедноста на сообраќајот на патиштата, одлука за унапредување на соработката со меѓународни и домашни органзиации и присуство на меѓународни конференции.
На седницата на РСБСП беше разгледано и продискутирано учеството на РСБСП во процесот на подготовката и донесувањето на Законот за безбедност на сообраќајот на патиштата и беше направена една широка анализа на истиот.