По завршување на дводневниот работен дел од Првата меѓународна конференција за унапредување на безбедноста во сообраќајот на патиштата во Југоисточна Европа – предизвици и насоки за дејствување, едногласно беше усвоена Декларација со која сите земји учеснички на Конференцијата се обврзаа да ги преземат сите неопходни мерки за засилување и унапредување на меѓусебната соработка и размена на искуства, знаења и добри практики, преку континуирана организација на заеднички конференции, стручни и научни собири и заедничка реализација на научно истражувачки активности.
Заеднички заклучок кој произлезе од Конференцијата е дека безбедноста на патниот сообраќај ќе биде врвен приоритет и постојана и заедничка цел поставена високо на агендата на дејствување на сите општествени чинители, а заедничкото мото на сите учесници е: „Интензивно дејствување и засилена соработка за помалку повредени и загинати на патиштата во Југоисточна Европа“.
Учесниците на Конференцијата укажаа и од важноста на пишаните и електронските медиуми како и од важноста на средствата за јавно информирање и на социјалните медиуми кои играат голема улога и се од особена важност за подигање на јавната свест за одговорно однесување на учесниците во сообраќајот, како и во процесот на промена на лошите навики и начинот на однесување на поединците.
Републичкиот совет за безбедност на сообраќајот на патиштата им благодари на сите учесници на Конференцијата за издвоеното време, за вложените напори и за придонесот кој го додоа за успешно реализирање на оваа Конференција и за подобрување на безбедноста на сообраќајот на патиштата во Југоисточна Европа.