Денес во рамките на пошироката кампања „Со велосипед на пат низ целиот град“ кој што Републичкиот Совет за безбедност на сообраќајот на патиштата ја организира задно со АМСМ , МВР, Град Скопје и останати партнери беа промовирана налепниците “Мисли на велосипедистите”.
Првите налепници беа поставени од Претседателот на РСБСП м-р Стојче Стаменковски и Генералниот Секретар на АМСМ г-дин Димитар Миновски. Овие налепници се поставуваат на десниот ретровизор, од страна на совозачот, во левиот, внатрешен долен агол, согласно упатствата на ФИА, на позицијата каде што може да влијае врз намалувањето на прегледноста и покривање на „слепиот агол“.
Целта на оваа налепница е да се пренесат неколку клучни пораки до возачите на моторни возила и тоа:
– Гледајте и користете ги ретровизорите,
– Внимавајте на велосипедистите, бидејќи тие се поранлива категорија на учесници во сообраќајот,
– Велосипедистите не се појавуваат одеднаш.
Покрај тоа на денешниот настан организаторите ги поканија сите велосипедисти, деца, млади и стари да се придружат на 28 Јуни (недела) на велосипедското дефиле посветено на безбедноста на велосипедистите во сообраќајот. Дефилето ќе започне во 8 часот од Порта Македонија и преку однапред дефинирана рута ќе се вози се до Школка во Градски парк.