РСБСП во рамки на кампањата „Да ги заштитиме децата во сообраќајот“ во соработка со Отсекот за превенција при СВР Струмица и Општина Струмица во Домот на културата „Антон Панов“ реализираше интерактивна театарска претстава за деца „Застани, погледни па на пешачки премини“.
Со театарската претстава на забавен и едукативен начин, децата имаа можност да се запознаат со основните правила за безбедно однесување во сообраќајот, безбедниот пат од и до училиште, како и со значењето на внимателноста и одговорноста во улога на пешаци, велосипедисти и идни возачи.
На настанот присуствуваа учениците од првите одделенија на сите основни училишта во Општина Струмица.
На настанот приуствуваа претседателот и претставници на РСБСП, началникот и претставници од СВР Струмица и градоначалникот и претставници на Општина Струмица.
