На 6 април 2022 година во просториите на Гакултетот за безбедност-Скопје беше реализирана тркалезна маса на тема “Безбедноста на пешаците во сообраќајот” Во корганизација на Факултетот за безбедност – Скопје, Министерството за внатрешни работи и Републичкиот совет за безбедност на сообраќајот на патиштата. Активноста е дел од кампањата ,,И јас и ти – сите сме пешаци! Безбедноста на прво место!”. Истата ќе се реализира во текот на неколку месеци, при што ќе бидат опфатени голем број градови и населени места низ државата. Целта е да се подигне свеста кај населението од сите возрасти за ризиците кои постојат во сообраќајот и да се посочи за важноста од одговорното однесување на секој учесник.
Дополнителна вредност на оваа кампања е заедничкиот настап на повеќе клучни и значајни институции чија цел е единствена – безбедност во сообраќајот за сите!
На средбата свечено обраќање имаа: министерот за внатрешни работи, г-н Оливер Спасовски, ректорот на Универзитетот ,,Св. Климент Охридски”- Битола, проф.др. Сашо Коруновски, петседателката на Републичкиот Совет за безбедност на сообраќајот на патиштата, м-р Гордана Кожуваровска и деканот на Факултетот за безбедност проф. д-р Никола Дујовски. Во работниот дел на средбата, беа подготвени презентации од началници и раководители на сектори во МВР и Министерството за транспорт и врски и професори од Техничкиот Факултет – Битола.На средбата беше потпишан Меморандум за соработка меѓу Претседателката на РСБСП и Деканот на Факултетот за безбедност.
