Во просториите на Републичкиот совет за безбедност на сообраќајот на патиштата, денес се одржа шестата седница на Советот. На дневен ред беа разгледани 20 точки со кои се утврдија активностите кои РСБСП ќе ги презема во текот на наредниот период.
Советот донесе одлука за реализација на неколку кампањи за зголемување на јавната свет за одговорното учество во сообраќајот, и тоа:
• Одлука за започнување „Зимска кампања 2015-2016“,
• Одлука за започнување кампања „Вози одговорно за време на празниците“, наменета за младата (ранлива) популација,
• РСБСП донесе одлука за реализација на теренски активности заедно со Општинските совети за безбедност на сообраќајот со кои ќе бидат реализирани голем број активности на локално ниво.
Со едногласно носење на одлуките, со активно учество во дискусиите и со конструктивни предлози за активности кои треба да се преземат во текот на наредниот период, сите членови на Советот, уште еднаш ја потврдија својата посветеност и лично залагање за зголемување на безбедноста на сообраќајот на патиштата.