Републичкиот совет за безбедност на сообраќајот на патиштата и Авто мото сојузот на Македонија во соработка со Армијата на Република Македонија по повод денот на возачите 31 Март, во касарната “Страшо Пинџур“ во Петровец одржаа предавање на тема “Безбедноста во јавниот сообраќај“.
Одбележувањето на Денот на возачите го отвори командантот на 1.механизирана пешадиска бригада, бригаден генерал Мирче Ѓоргоски.
Претставниците, м-р Росана Јанков од АМСМ и м-р Ристо Манчев од РСБСП, пред околу 90 професионални војници – возачи од повеќе единици на АРМ од гарнизонот Скопје и Петровец, говореа за важноста на континуираната сообраќајна едукација низ призмата на проблемите и предизвиците со кои се соочуваат професионалните војници – возачи при извршување на своите обврски.
По предавањето, пред претставниците на АМСМ, РСБСП и војниците возачи на АРМ беше изведена надгледна вежба во движење на одредени армиски моторни возила во екстремни теренски услови.
По завршување на вежбата, на најуспешните возачи од единицата во 2016 година им беа доделени признанија и награди.