Во овој период од годината, кога земјоделските активности се интензивираат и обработката на земјоделските површини е во својот најголем обем, значително се зголемува присуството на земјоделски возила (трактори, мотокултиватори и други мобилни машини) во патниот сообраќај. Овој факт ја зголемува потребата од строго почитување на сообраќајните правила и прописи, бидејќи непочитувањето на истите претставува сериозна закана за безбедноста на сите учесници во сообраќајот.
Управувањето со трактори и земјоделска механизација не е едноставна активност, туку одговорен и комплексен процес кој бара висока концентрација, дисциплина и одговорност. Неправилното, непрописното или неодговорното учество во сообраќајот од страна на овие возила може да резултира со сериозни сообраќајни незгоди и последици по животот и здравјето на граѓаните.
Искуствата и практиките од терен укажуваат дека дел од возачите управуваат со трактори и работни машини без соодветна возачка дозвола, со технички неисправни или нерегистрирани возила, како и со возила кои не се соодветно осветлени или обележани. Овие пропусти претставуваат сериозен ризик и се фактори кои директно придонесуваат кон зголемување на бројот на сообраќајни незгоди.
Имајќи го предвид ова, а со цел унапредување на сообраќајната култура и намалување на ризиците поврзани со управувањето на земјоделска механизација, Републичкиот совет за безбедност на сообраќајот на патиштата (РСБСП) и оваа година ја реализира превентивно-едукативната кампања „Безбедно управување со трактори и земјоделска механизација“.
Во рамките на кампањата, РСБСП во соработка со Министерството за внатрешни работи, општинските совети за безбедност во сообраќајот и други релевантни институции, спроведува низа активности:
Дополнително, дел од активностите се реализираат преку традиционалните и електронските медиуми, како и преку социјалните мрежи, со цел подигнување на јавната свест за последиците од неодговорно учество во сообраќајот.
РСБСП упатува јасен апел до возачите на трактори и земјоделска механизација:
Безбедноста при управување со трактори и земјоделска механизација претставува основа за успешна и безбедна работа. Строгото придржување кон законските обврски не само што го намалува ризикот од сообраќајни незгоди, туку и овозможува сигурно, продуктивно и одговорно користење на земјоделските машини, со што се заштитуваат и животите и имотот на граѓаните.