РСБСП во рамки на кампањата „Да ги заштитиме децата во сообраќајот“ во соработка со ОСБСП Кратово, Оделението за внатрешни работи Кратово и Општина Кратово во Домот на културата во Кратово реализираше интерактивна театарска претстава за деца „Застани, погледни па на пешачки премини“.
Преку интересна и едукативна приказна, децата имаа можност да научат за правилното однесување во сообраќајот и важноста на безбедноста на патиштата,, како и за значењето на внимателноста и одговорноста во улога на пешаци, велосипедисти и идни возачи.
На настанот присуствуваа учениците од првите одделенија на сите основни училишта во Општина Кратово и Детската градинка Царка Андреевска-Кратово. На настанот приуствуваа претседателот и претставници на РСБСП, началникот и претставници од ОВР Кратово и претставници на Општина Кратово.
Настанот е дел од континуираните активности на РСБСП и Општинските совети за безбедност на сообраќајот на патиштата насочени кон подигнување на свеста за сообраќајната безбедност кај децата и младите, како една од најранливите категории учесници во сообраќајот.