Согласно датумите за одржување на сообраќајно воспитните манифестации „Детски семафор“ и „Сообраќајно техничка култура на младите“, оваа година на 14.05.2016 година и 15.05.2016 година во ООУ „Војдан Чернодрински“ Карпош, се одржа регионалниот натпревар „Детски семафор“ за Град Скопје.
На натпреварот учествуваа екипи од општините Карпош, Аеродром, Гази Баба, Бутел, Ѓорче Петров, Кисела Вода, Чаир и Центар.
По спроведеното теоретско и практично тестирање на учениците, општините Карпош, Чаир, Гази Баба, Бутел, Центар и Кисела Вода, се пласираа на Државниот натпревар „Детски семафор“ кој ќе се одржи на 21 мај во ООУ „Војдан Чернодрински“ Карпош.
За детален увид во тоа кои се учесниците кои се пласираат на државниот натпревар, поединечните резултати може да се погледнат на следниот линк: Резултати Регионален натпревар „Детски семафор“ 2016 Скопје