Денес во рамките на Европската недела на мобилност во просториите на ЕУ инфо центарот во Скопје се одржа дебата на тема “Партнерства за безбедност во сообраќајот”. Настанот беше организиран од страна на НВО Еколоџик, а говорници беа г-дин Никола Нешковски представник од НВО Еколоџик, г-дин Ристо Манчев Секретар на РСБСП, г-дин Боби Ѓоргиев представник од МВР и г-дин Јане Стефанов, основач на ФБ групата Ѕид на сообраќаен срам.
На дебатата беа дискутирани моменталните состојби во сообраќајот, односно еден осврт на работата на државните органи надлежни по ова прашање и невладиниот сектор односно самите граѓански иницијативи во поглед на подобрувањето на безбедноста во сообраќајот. Беше разгледан сообраќајот како целина и сите пречки за негово континуирано и безбедно одвивање каде што посебен акцент беше ставен на меѓусебната интеракција помеѓу возачите на автомобили, велосипедистите и институциите.