Денес во Белград, во просториите на Агенцијата за безбедност на сообраќајот на Република Србија, се одржа состанок со Бранко Стаматовиќ, в.д. директор на Агенцијата, со Гордана Кожуваровска, претседателот на РСБСП. На состанокот се разговараше за безбедноста на сообраќајот, тековните активности со акцент на зимската кампања и реализацијата на заедничките кампањи во текот на оваа година кои дадоа одлични резултати и ја продлабочија соработката на двете соседни држави. Беа договорени и заеднички активности за претстојниот период со цел унапредување на безбедноста во сообраќајот и остварување на стратешката цел Визија 0 (нула) загинати деца што е приоритет и во Република Србија и во Република Северна Македонија.
