Републичкиот совет за безбедност на сообраќајот на патиштата во организација со Општинскиот совет за безбедност на сообраќајот на патиштата Делчево и во соработка со општинските основни училишта „Св.Климент Охридски“ и „Ванчо Прке“, детската градинка „Весели Цветови“ и полициската станица од Делчево започна со спроведувањето на сообраќајно превентивната акција „ДА ГИ ЗАШТИТИМЕ ДЕЦАТА ВО СООБРАЌАЈОТ“. Цел на оваа акција е запознавање на првачињата и децата од предшколска возраст со основните правила и прописи во сообраќајот и сообраќајната сигнализација преку едукативни предавања со презентација на сообраќајниот буквар и одржување на нагледни предавања на улица со сообраќајната полиција. Со првите предавања беа опфатени 35 деца од предшколска возраст и 29 првачиња, а планирано е со акцијата да бидат опфатени 194 деца. Републичкиот совет за безбедност на сообраќајот на патиштата ја подржа оваа акција обезбедувајќи боенки, сообраќајни лектири и банери.“
