На 26 декември 2023 г. Републичкиот совет за безбедност на сообраќајот на патиштата одржа годишен брифинг со претставници на медиумите. Гордана Кожуваровска, претседател на РСБСП, пред новинарите ги презентираше реализираните активности на РСБСП во текот на 2023 година. Акцент беше ставен на големиот број превентивни и едукативни кампањи
поддржани и реализирани во соработка со Министерството за внатрешни работи и Факултетот за безбедност Скопје, како и со Општинските совети за безбедност на сообраќајот на патиштата, бројни институции и здруженија, и секако со поддршка од медиумите. Во своето обраќање Кожуваровска ја истакна важноста на превенцијата, како и неопходноста за изградување на систем на општествени вредности во кој безбедноста во сообраќајот и сообраќајната култура ќе бидат на задоволително ниво. Во таа насока им се заблагодари на новинарите за високото ниво на соработка во текот на изминатата година и за поддршката што постојано му ја даваат на РСБСП во неговото долгогодишно функционирање.
