1 мај – меѓународниот ден на трудот. Ден резервиран за патување, прошетка, одмор, прослави…..
Републичкиот совет за безбедност на сообраќајот на патиштата апелира до сите оние кои планираат да отпатуваат на некое подалечно место да направат техничка проверка на возилото пред да тргнат на пат ( проверка на сопирачките, проверка на притисокот на воздухот во гумите, проверка на исправноста на светлата, замена на брисачите, проверка на маслото во моторот, проверка на сетот за прва помош, итн. )
Оние кои патуваат на поблиските излетнички места задолжително треба да имаат во предвид дека на локалните и регионалните патишта ќе има голема фрекфенција на деца, пешаци, велосипедисти и мотоциклисти и токму затоа Републичкиот совет за безбедност на сообраќајот на патиштата апелира за внимателно управување на возилото, особено низ населените места и прилагодување на брзината кон условите на патот.
На секое патување, најважно од сѐ е да стигнате здрави и живи до саканата дестинација, а предуслов за тоа е максимално почитување на сообраќајните правила и прописи и одговорно возење без консумирање на алкохол.
РСБСП им го честита празникот на сите граѓани и им порачува: Одговорно и безбедно на секое патување.
За оние кои ќе патуваат во правец кон Гевгелија и Грција информираме дека од 24.04.2018 година од 11:00 часот, автопатот Демир Капија – Смоквица е целосно оспособен за одвивање на сообраќај. За користиње на истиот (во правец Скопје – Гевгелија) на клучката пред Демир Капија потребно е да се исклучите за Скопје, да се спуштите под надвозникот и да продолжите само право следејќи ја таблата Гевгелија.