Денес, како дел од капањата Мај, месец на велосипедисти, по трет пат се одржа традиционалната трка ПРВ ДО ВРВ, на падините на Водно. Настанот е во организација на здружението за спорт и рекреација “Прв до врв”, Градот Скопје, Републичкиот Совет за Безбедност на Сообраќајот на Патиштата, ЈСП и други партнерски организации.
На настанот зедоа учество над 2000 учесници, велосипедисти и планинари, кои се натпреваруваа во повеќе категории: машки и женски, планински велосипедизам, друмски велосипедизам и пешачење.
Градоначалникот на Град Скопје, Коце Трајановски, ги поздрави учесниците и ја нагласи својата целосна подршка на настанот, и сега и во иднина.
Претседателот на РСБСП, м-р Стојче Стаменковски зборуваше за важноста на велосипедизмот како облик на сообраќај, и ги повика сите учесници во трката да го користат велосипедот и како превозно средство, а не само за рекреација. Во своето обраќање, господинот Стаменковски зборуваше за важноста на почитувањето на велосипедистите во сообраќајот од страна на возачите на моторни возило, но и за одговорноста на велосипедистите за познавање и почитување на сообраќајните правила и прописи.