Целосно почитување на одредбите од Законот за безбедност во сообраќајот во делот на глоби и казни, како и едукација и унапредување на сообраќајната култура значително ќе ја зголемат безбедноста на сообраќајот на патиштата, смета претседателот на Републичкиот совет за безбедност на сообраќајот на патиштата, Стојче Стаменковски.
Според него, измените во законот се неопходни и во склоп на Втората национална стратегија за унапредување на безбедноста на сообраќајот на патиштата 2015-2020 година.
– За поздравување се одредбите од Законот што се насочени кон зголемување на безбедноста на патиштата, а се однесуваат на намалување на максималната дозволена брзина во населени места од 60 на 50 километри на час. Пречекорувањето на брзината на движење претставува фактор што придонесува за околу 30 отсто сообраќајни незгоди со смртен исход. Токму со ова законско решение значително ќе се подобри безбедноста на сообраќајот во градски средини, особено на пешаци, велосипедисти и деца. Само со овој потег ќе се зголеми можноста над 70 отсто од учесниците во сообраќајните незгоди од овие категории да останат живи – вели Стаменковски.
Целото интервју можете да ги прочитате на следниот линк:
http://www.dnevnik.mk/default.asp?ItemID=0E845CE4C46DA74EB43003A525EB774E&fb_action_ids=10207586422520687&fb_action_types=og.recommends