Со цел размена на искуство, знаење и позитивни пракси, претставници на РСБСП учествуваа на десетти меѓународен симпозиум на тема “Интердисциплинарност, логистика и сообраќај”, кој се одржа на 03-04 Октомври 2019 година, Улцин- Црна Гора.
На овој значаен меѓународен собир, на кој учествуваа претставници од повеќе надлежни институции од земјите од регионот, РСБСП зема активно учество со научен труд на тема – “Состојби, стратешки мерки и политики за унапредување на безбедноста на сообраќајот на патиштата во Република Северна Македонија”.
Заклучоците и препораките од меѓународниот симпозиум во наредниот период, од страна на РСБСП ќе бидат преточени во конкретни мерки и политики за подобрување на безбедноста на патниот сообраќај во Република Северна Македонија.