Брзото возење е асоцијација кај младите за адреналин, возбуда и авантура. Но, брзото возење е екстремно опасно и може да ве чини живот. Пред да се впуштите во авантурата наречена брзо возење и пред да бидете примамени да нагазите на педалата за гас, размислете за следниве неколку работи:
- Силата на ударот на возило со брзина од 100 км/ч e еднаква на силата со кое ќе удри возилото при пад од зграда од 12 спрат.
- Математички пресметано, силата на ударот се зголемува прогресивно со брзината. Со брзина од 60 км/ч, силата на ударот е голема. На 80 км/ч, силата на ударот е четири пати поголема, а на 120км/ч таа е ДЕВЕТ ПАТИ поголема отколку на 60км/ч.
- Кај еден просечен возач, со секое зголемување на брзината за 1%, ризикот за незгода се зголемува за 2%, веројатноста за сериозни повреди се зголемува за 3%, а веројатноста за фатален крај се зголемува за околу 4%.
- Разликата во брзината со некој километар на час, е всушност разлика помеѓу лесна и тешка повреда, разлика меѓу живот и смрт.
- Брзото возење и последиците од него ќе ве следат целиот живот. Трајни физички последици, или трајни лузни од грижата на совест дека сте одземале нечив живот.
Возете одговорно, возете безбедно, поставете си граница и почитувајте ги ограничувањата на брзината.