Републичкиот совет за безбедност на сообраќајот на патиштата (РСБСП) продолжува со реализација на превентивно-едукативни активности насочени кон најмладите учесници во сообраќајот, со цел подигнување на сообраќајната култура и намалување на ризиците на патиштата.
Во таа насока, во Прилеп во соработка со Општинскиот совет за безедност на сообраќајот на патиштата ОСБСП Прилеп и ОСБСП Кривогаштани и Општината Прилеп и Општина Кривогаштани, како дел од кампањата „Да ги заштитиме децата во сообраќајот“ беше реализирана едукативна активност преку театарска претстава „Застани, погледни, па на пешачки помини“, наменета за децата од основните училишта, преку која на интерактивен и прилагоден начин се пренесуваат основните правила и принципи за безбедно учество во сообраќајот.
Претседателот на РСБСП, Горан Ангеловски, истакна дека едукацијата од најрана возраст е еден од најважните столбови за создавање одговорни учесници во сообраќајот.
„Со вакви активности директно влијаеме врз подигнување на свеста кај најмладите, кои се и една од најранливите категории во сообраќајот. Нашата цел е преку континуирана едукација да изградиме генерации кои ќе ги почитуваат правилата и ќе придонесуваат кон побезбедни патишта за сите“, посочи Ангеловски.
Како РСБСП веруваме дека ваквите активности даваат долгорочни резултати, како дел од континуираната стратегија за превенција и едукација, особено кај децата и младите – клучни фактори за долгорочно подобрување на безбедноста во сообраќајот.
Советот останува посветен на соработка со локалните самоуправи, образовните институции и сите релевантни чинители, со цел создавање побезбедна сообраќајна средина за сите граѓани.
Не заборавајте: Бидете одговорен учесник во сообраќајот – Секој живот е важен!