Републичкиот совет за безбедност на сообраќајот на патиштата во рамките на своите активности за зголемување на сообраќајната едукација и култура, особено кај најмладите, денес во ООУ „Димитар Миладинов“ во Општина Центар – Скопје, на учениците од V-то одделение им одржа кратко предавање за основните правила што треба да ги познаваат додека управуваат со велосипед и додека се движат и преминуваат улица.
Предавањето се одржа под мотото “Да бидеме безбедни во сообраќајот како велосипедисти и пешаци”
Редовна употреба на заштитна кацига, светла облека и флуоресцентни елеци, основните правила кои важат и за велосипедисти и за пешаци, беа дел од презентираниот материјал со кој РСБСП уште еднаш ги потсети децата како треба правилно да се однесуваат во сообраќајот.