РСБСП на терен во Босилово со активности за одбележување на „Светскиот ден на жртви од сообраќајни незгоди“

Во рамки на активностите за одбележување на „Светскиот ден на сеќавање на жртвите од сообраќајни незгоди“, Републичкиот совет за безбедност во сообраќајот на патиштата (РСБСП), Општина Босилово, Општинскиот совет за безбедност во сообраќајот на патиштата Босилово (ОСБСП Босилово) и Отсекот за превенција при СВР Струмица реализираа едукативно-превентивен настан во ООУ „Гоце Делчев“ – Општина Босилово.

Претседателот на РСБСП, Горан Ангеловски, градоначалникот на Општина Босилово, Ристо Манчев, началничката на Отсекот за превенција при СВР Струмица, како и директорот на училиштето, заедно со учениците, беа дел од симболичниот марш за сеќавање на жртвите од сообраќајни незгоди. Маршот претставуваше силна порака на солидарност, почит и поддршка кон семејствата кои ги загубиле своите најблиски во трагични сообраќајни незгоди.

Покрај маршот, учениците преку цртежи, пораки и пуштање балони во чест на 142-те жртви кои го загубија животот во сообраќајни незгоди во 2024 година, симболично ја испратија пораката дека животот нема цена. Настанот уште еднаш ја истакна важноста од заедничка одговорност, соработка и личен придонес за унапредување на безбедноста во сообраќајот.

РСБСП и партнерите продолжуваат со активности за подигнување на свеста и превенција, со цел создавање побезбедна сообраќајна култура и намалување на бројот на жртви на патиштата.

—