На 23.03.2022( среда), се одржа вебинар на тема – „Малолетничка делинквенција со посебен осврт кон сообраќајни кривични дела“. Истиот беше организиран од страна на Факултетското студентско собрание на „Правен факултет“ – Кичево и Факултетското студентско собрание на „Факултет за безбедност“ – Скопје.
На вебинарот свое излагање имаше претседателката на РСБСП , м-р Гордана Кожуваровска. Таа истакна дека безбедноста во сообраќајот е императив на сите субјекти од областа на сообраќајот, но е значајна и за секој човек, бидејќи секој на свој начин е учесник во сообраќајот.Исто така ги наведе најчестите причини за сообраќајни незгоди во кои страдаат младите возачи, односно возачите почетници.Возачкото неискуство, недоволна созреаност, неискуство во ноќно возење, некористење сигурносен појас, нефокусираност, замор, возење под дејство на алкохол, се само дел од причините.
Според податоците на СЗО годишно во светот околу 400000 млади лица го губат својот живот во сообраќајни незгоди. Тоа значи дека 1100 млади животи до 25 годишна возраст, дневно згаснуваат ширум светот. Сообраќајните незгоди се водечка причина за смртноста на лицата од 15 до 19 годишна возраст, а втора причина за смртност на лицата од 10 до 25 годишна возраст.
Сите присутни на настанот имајќи ги во предвид наведените податоци, констатираа дека собраќајните незгоди за младите луѓе, се црната чума на 21 век.