Децата учесници на детскиот фестивал „Поточиња“ со порака до возрасните:
„Безбедноста на децата во сообраќајот е одговорност на возрасните“.
Во рамките на детскиот фестивал „Поточиња“, кој вчера и денес се одржува во главниот град, а ги собра децата од цела Македонија, најмалите покрај останатите пораки кои преку својот музички перформанс им ги пренесоа на присутните, се сликаа и со добро познатите жолти табли на Републичкиот совет за безбедност на сообраќајот на патиштата и испратија силна порака до возрасните: да внимаваат на нив додека возат бидејќи безбедноста на децата во сообраќајот, е пред сè одговорност на возрасните.
На настанот се подели и едукативен материјал со практични совети за правилна употреба на детските седишта, како основен услов кој е од особена важност за безбедност на децата во автомобилите.
Мотото, децата се нашето најголемо богатство, е она кое секојдневно нè поттикнува да спроведуваме и реализираме кампањи кои ќе ги потсетуваат, мотивираат и едуцираат и децата и возрасните за безбедноста на секое дете во сообраќајот, без разлика во кој дел од него е детето учесник. Грижејќи се за децата, ние се грижиме за нашата иднина. Затоа, возете одговорно како секое дете на улица да е ваше дете!