РСБСП започнува со кампања насочена кон матурантите „На матурска прослава без автомобил”

Републичкиот совет за безбедност на сообраќајот на патиштата (РСБСП) во рамки на кампањите за зголемување на безбедноста во сообраќајот, започна со реализација на кампањата за поголема безбедност на младите во сообраќајот – посветена на матурантите, под мотото „На матурска прослава без автомобил!“

Кампањата има за цел да испрати силна порака до младите – да не седнуваат зад воланот на матурската прослава доколку консумирале алкохол, туку да користат јавен превоз, такси или превоз од лица кои не консумирале алкохол, одосно да не управуваат со возило.

Со денешниот настан, кој се одржа во средното училиште СУГС „Владо Тасевски“ како почеток на кампањата во рамки на која започнуваат серија на теренски активности во организација Републичкиот совет за безбедност на сообраќајот на патишата, Општинските совети за безбедност на сообраќајот на патиштата, МВР и Факултетот за безбедност – Скопје. Почетокот на кампањата беше одбележан со предавање пред учениците од четврта година – матуранти од училиштето.

Претседателот на РСБСП, м-р Горан Ангеловски, нагласи дека матурските прослави се свечен чин за сеќавање со кој се заокружува еден дел од образованието на секој матурант и целта на оваа кампања е да се укаже младите да не управуваат со моторни возила ако консумираат алкохол.

„За време на матурските прослави не треба да консумирате алкохол и да управувате со моторно возило, односно треба да направите матурските прослави да Ви бидат чин кој ќе го паметите целиот живот. Да не дозволиме некое несовесно и неодговорно однесување во сообраќајот да заврши со трагичен крај – апелираше Ангеловски“

Кампањата ќе продолжи со низа активности, кои ќе се реализираат во средните училишта во Македонија.

Со оваа кампања, РСБСП испраќа јасна порака:
ПРОСЛАВУВАЈ ОДГОВОРНО – СЕКОЈ ЖИВОТ Е ВАЖЕН!