На првиот ден од Новата година, претставници од РСБСП заедно со претседателот м-р Горан Ангеловски беа во традиционална посета на прво родените деца во ЈЗУ „Клиника за Гинекологија и Акушерство“ во Скопје и Гинеколошкото одделение при Клиничка Болница Тетово.
Покрај честитката и желбите за здравје и просперитет во Новата 2025 година, од страна на Републичкиот совет за безбедност на сообраќајот на патиштата на мајките им подаривме детско седиште за во автомобил.
Во рамките на „Новогодишната кампања“ на РСБСП преку овој симболичен подарок потсетуваме на важната улога која ја имаме во безбедноста на сообраќајот и нашиот придонес кон унапредување на заедничката сообраќајна култура и свест.
Останати членови и соработници на РСБСП ги посетија новороденчињата родени на првиот ден од Новата година на клиниката „Мајка Тереза – Скопје, Чаир“, како и клиничките болници во Куманово, Охрид, Битола, Прилеп, Штип, Кавадарци, Струмица, каде исто така беа подарени детски седишта за во автомобил, додека во Општата болница во Велес доделивме две седишта со оглед дека таму беа родени близнаци.
