Денес се одржа работен состанок на Министерот за локална самоуправа, Горан Милевски со Претседателката на РСБСП, Гордана Кожуваровска и Секретарот Владо Лазаров. Состанокот беше во функција на планирање и организирање на заеднички активности во насока на подобрување на безбедноста во сообраќајот. Беа договорени активности со кои ќе се поттикнува свесноста на учесниците во сообраќајот во сите општини на Република Северна Македонија и утврдени конкретни чекори кои ќе се превземаат во таа насока.
Посебен акцент на овој состанок беше ставен на зголемување на улогата на Општинските совети за безбедност на сообраќајот. РСБСП и Министерството за локална самоуправа се подготвени за продлабочување на меѓусебната соработка се со цел подигнување на јавната свест на сите учесници во сообраќајот.