Денес во Скопје на покана на Факултетот за безбедност-Скопје, Претседателот на Републичкиот совет за безбедност на сообраќајот на патиштата (РСБСП), м-р Горан Ангеловски, беше дел од 16-та меѓународна научна конференција – „Системска корупција – најголемата безбедносна закана: Безбедносно-стратешки пристапи за решавање на сложените предизвици” во организација на Факултетот за безбедност Скопје.
На конференцијата на која учество земаа бројни домашни и меѓународни експерти, професори, претставници на институции и организации, беа присутни и деканот на Факултетот за Безбедност – Скопје, Јонче Ивановски како и Министерот за внатрешни работи, Панче Тошковски.
Настанот претставува можност за размена на искуства, идеи и добри практики за унапредување на безбедноста и превенцијата, со акцент на важноста од заедничко делување меѓу институциите.
Присуството на РСБСП на конференцијата е потврда за континуираниот ангажман и активната улога на Советот во креирањето и поддршката на политики за зголемување на безбедноста во сообраќајот.
Соработката меѓу Факултетот за безбедност и РСБСП продолжува да бележи успеси и конкретни резултати преку бројните кампањи кои ги спроведува РСБСП во насока на унапредување на безбедноста на сите учесници во сообраќајот.