Претседателот на Републичкиот совет за безбедност на сообраќајот на патиштата, м-р Горан Ангеловски, учествуваше на „XIV Меѓународна конференција за безбедност на сообраќајот во локалните заедници“, која се одржа во Бања Лука, Република Српска, во организација на Министерството за сообраќај и врски и Агенцијата за безбедност на сообраќајот на патиштата на Република Српска.
На конференцијата, која обедини бројни експерти, професори и професионалци од областа на сообраќајната безбедност, претседателот Ангеловски се претстави со своја презентација и излагање, преку кои ги запозна присутните со мисијата, визијата и активностите на РСБСП.
Во своето обраќање, тој ја нагласи важноста на превенцијата, едукацијата и меѓуинситуционалната соработка како клучни алатки за унапредување на безбедноста на патиштата.
Ангеловски потенцира дека соработката со меѓународни институции и организации претставува значајна основа за успешното и ефективно работење на Советот, и во идниот период ќе продолжи со активности насочени кон размена на искуства, добри практики и заеднички проекти во оваа важна општествена област.
Републичкиот совет за безбедност на сообраќајот на патиштата доби признание за успешната работа и придонесот во унапредувањето на безбедноста во сообраќајот, што претставува дополнителна мотивација да продолжи со уште поголема посветеност и одговорност во својата мисија.
